‘o viento

‘o viento

È  ‘o viento ca sbatte.
ca te fa arapì ‘e feneste pure si sò chiuse.
È ‘o viento ca passa comme passano ‘e penziere,
belle,brutte, ianche, nire:
È ‘o viento ca te trase dint” a ll’osse,
ca te porta addore ‘e mare…
È ‘o viento…
‘O viento è comm”a vita,
passa senza bussà ‘a porta,
arriva,s’assetta e se ne va quanno meno te l’aspiette.
È ‘o viento…
‘O viento chesta notte ‘o sento,
‘nce parlo, ‘o veco, m’appicceco e …
pure isso nun me rispunne…
Quanta parole ittate ò viento!

Tonino Scala